1. DESCRICIÓN DO PROXECTO ORQUESTRAL DA USC.
A Orquestra da Universidade de Santiago de Compostela é un proxecto educativo onde poderán participar aquelas persoas que saiban tocar un instrumento orquestral, aqueles participantes deberán amosar os seus coñecementos instrumentais nunha proba inicial co fin de coñecer o nivel dos participantes.
Poderán participar todos aqueles membros da Comunidade Universitaria da USC, alumnos estudantes de música ou persoas da cidadanía que superen as probas de selección habilitadas para a ocasión.
Participarase con diversos concertos públicos repartidos ao longo do curso escolar e se é o caso organizará 3 ou 4 encontros por curso de 2 – 3 días con ensaios intensivos en fin de semana anterior a cada concerto e con horario variable.
Nestes encontros participarán profesores salientables do eido musical profesional por especialidades.
A OUSC tamén organizará, se é o caso, outras actividades referentes ao proxecto educativo musical que desempeña.
O proxecto organízase en dous grupos:
-
Grupo residente:
-
Poderán participar no grupo residente soamente membros da Comunidade Universitaria da USC que teñan coñecementos básicos previos de tocar un instrumento pertencente á disposición instrumental da Orquestra do Espazo de Cámara da USC.
-
Este grupo asumirá todos os ensaios semanais, ademais dos encontros e os concertos programados.
-
Os participantes deste grupo residente que sexan estudantes da USC poden optar á concesión de 4 créditos ETCS anuais e 2 créditos a maiores no segundo ano.
-
Grupo interino:
-
Poderán participar no grupo interino aqueles estudantes de música de centros oficiais e/ou escolas de música, ou aquelas persoas que teñan coñecementos previos instrumentais que superen unha proba específica previa para ingresar na Orquestra da Universidade de Santiago de Compostela.
-
Este grupo engadirase ao grupo permanente, ou ben nos ensaios semanais ou ben nos periodos de encontros en fin de semana segundo o criterio aprobado pola organización e participará nos concertos programados como culminación de cada proceso de ensaios.
-
Os participantes deste grupo en ningún caso poderán optar a créditos universitarios.
-
A OUSC ensaiará os martes lectivos programados do curso en horario de 21:30h a 23:30h na Igrexa da Universidade, sita na Praza de Mazarelos s/n ao carón da facultade de Historia.
As probas consistirán na execución de dúas pezas ou movementos a libre elección do aspirante, e un fragmento para ler a primeira vista aportada polo tribunal seleccionador no propio momento da proba, deixando 2 minutos ao aspirante para ver a partitura en silencio sen posibilidade de tocar. Asi mesmo o Espazo de Cámara poderá ofrecer a opción de presentarse por vía telemática enviando unha grabación en vídeo por diferentes canles dixitais como YouTube, Dropbox, WeTransfer, Etc.
As probas son sen pianista acompañante.
Para máis información:
Vicerreitoría de Estudantes, Cultura e Formación Continua – Área de Cultura. Casa da balconada, Rúa Nova, 6, 15705 Santiago de Compostela, A Coruña.
Teléfonos 881811018 / 881811103
Orquestra da Universidade de Santiago de Compostela 